Според извештаите, 94,6% од членовите на синдикатот гласале против новата понуда, а 96% го поддржале штрајкот. Работата беше официјално прекината на полноќ според локално време, пренесува Blumberg.
„Нашите членови јасно и гласно го изразија своето мислење,“ изјави претседателот на синдикатот на Boeing, Џон Холден, по гласањето.
Според него, понудата на Boeing не е доволна за да ја надомести 16-годишната стагнација на платите, зголемените трошоци за здравствена заштита и преместувањето на работните места во синдикатот.
Сепак, Холден, изрази подготвеност да се врати на преговарачката маса со менаџментот на Boeing што е можно поскоро.
Boeing им понуди на своите вработени загарантирано зголемување на платите од 25% во следните четири години, но вработените очекувале повеќе и биле разочарани што компанијата го укинала годишниот бонус.
Boeing произведува млазни авиони 737 Max во својата фабрика во Рентон, на периферијата на Сиетл, како и модели на авиони 777 и 767 во својот погон во Еверет, северно од градот.
Штрајкот практично ќе го запре производството на комерцијални авиони во еден од најголемите американски производствени гиганти, што може да ѝ наштети на целокупната економија на САД, пренесува CNN.
Извор: BIZLife.rs
