Групата ја предводи Палмер Лаки, коосновач на компанијата Андурил, со цел да се пополни празнината што се создаде по колапсот на Silicon Valley Bank во 2023 година, пренесува Tportal.
Името на банката е инспирирано од делото „Господарот на прстените“ од Џ. Р. Р. Толкин — Еребор е „Осамената планина“, кралството на џуџињата кое го нападнал и ограбил змејот Смауг.
Според извори запознаени со проектот, меѓу инвеститорите се и Џо Лонсдејл, основач на фондот за ризичен капитал 8VC и коосновач на одбранбената компанија Палантир, која е поврзана со Питер Тил – коосновач на PayPal. Фондот на Тил, Founders Fund, исто така ќе вложи во банката.
Еребор ќе се насочи кон ризични компании, крипто проекти и стартапи кои имаат проблем со пристап до капитал по пропаста на SVB. Банката ќе нуди традиционални банкарски услуги, но и услуги поврзани со виртуелни валути, соработка со странски компании кои сакаат пристап до американскиот банкарски систем.
Банката ќе биде дигитална, со канцеларии во Колумбус и Њујорк, а ќе ја водат Џејкоб Хиршман и Овен Рапапорт.
Целта на Еребор е да стане водечки играч во секторот на стабилкоини (stablecoins) и да привлече клиенти кои се разочарани од традиционалните финансиски институции.
Извор: bizlife.rs
