Според податоците на агенцијата, која е советодавно тело за енергетика при Организацијата за економска соработка и развој (OECD), светската потрошувачка на електрична енергија во 2024 година се зголемила за 4,3%, по порастот од 2,5% во 2023 година.
Во периодот од 2025 до 2027 година, се очекува стабилен темпо на раст, со проектирана годишна стапка од речиси 4%, наведува IEA во својот годишен извештај за состојбата во енергетскиот сектор.
Причини за зголемената потрошувачка
Главните фактори кои придонесуваат за зголемувањето на потрошувачката се:
- зголемената употреба на електрична енергија во индустриското производство,
- поголемата побарувачка за климатизација,
- интензивирањето на електрификацијата, особено во транспортниот сектор,
- брзиот раст и ширењето на дата-центрите.
Според проценките на IEA, 85% од вкупниот раст на побарувачката за електрична енергија во следните три години ќе дојде од земјите во развој и земјите со економии во подем.
Извор: Pixabay
Се очекува и зголемување на потрошувачката во повеќето развиени економии, по период на релативна стагнација. Во Кина, од 2020 година наваму, побарувачката за електрична енергија расте побрзо од економијата во целина, а во 2024 година пораснала за 7%. До 2027 година, се предвидува просечен годишен раст од 6%.
Потрошувачка на енергија во Макдедонија
Според државниот завод за статистика, во ноември 2024 година, вкупната потрошувачка по видови енергенти изнесува: 657 489 МWh електрична енергија, 39 840 мил. нм3 природен гас, 406 318 тони јаглен и 97 594 тони нафтени продукти. Бруто-домашното производство на електрична енергија учествува со 82.3 % во бруто-домашната потрошувачка на електрична енергија, додека 99.8 % од вкупната потрошувачка на јаглен се употребени за производство на електрична енергија.
Враќање на нуклеарните електрани
Меѓу главните двигатели на растот се зголеменото производство на соларни панели, батерии и електрични возила, како и експанзијата на дата-центрите и 5G мрежите.
Анализите на агенцијата покажуваат дека зголемувањето на изворите на енергија со ниски емисии – пред сè обновливите извори и нуклеарната енергија – ќе биде доволно за да ја задоволи зголемената глобална побарувачка во наредните три години.
Извор: Pixabay
Приближно половина од зголемената побарувачка ќе биде покриена со електрична енергија произведена од фотоволтаични системи.
Во исто време, производството на електрична енергија од нуклеарни електрани ќе достигне висок степен во 2024 година и ќе продолжи стабилно да расте во наредните две години. Според агенцијата, трендот на пораст во нуклеарната енергетика ја рефлектира сè поголемата поддршка за оваа технологија во политичките дебати.
Извор: Bizlife.rs
