„Ќе го обогатуваме, ќе го продаваме и ќе направиме ‘жолт колач’“, изјави принц Абдулазиз на конференција во Дахран, мислејќи на правлив концентрат од минерал кој се користи за подготовка на ураниумско гориво за нуклеарни реактори.
Иако претставува мал ризик од зрачење, овој концентрат бара безбедно ракување, пренесува Ројтерс.
Саудиска Арабија има нуклеарна програма во зачеток, која планира да ја прошири за на крај да вклучува и обогатување на ураниум, што е чувствителна област со оглед на неговата улога во нуклеарното оружје. Ријад сака да ја користи нуклеарната енергија за диверзификација на својата енергетска политика.
Нејасно е каде ќе завршат саудиските нуклеарни амбиции, со оглед на тоа што престолонаследникот Мохамед бин Салман во 2018 година изјави дека кралството ќе развие нуклеарно оружје ако тоа го направи регионалниот ривал Иран.
Друга заливска држава, Обединетите Арапски Емирати (ОАЕ), ја имаат првата нуклеарна централа во арапскиот свет со повеќе единици. Емиратите се обврзаа дека самите нема да обогатуваат ураниум и дека нема да преработуваат истрошено гориво.
Извор: Bizlife.rs
