БДП претставува вкупна вредност на сите финални добра и услуги произведени во една земја во текот на една година, и е главен индикатор за економското здравје на државата. Еве кои 10 земји се очекува да имаат најмоќни економии до 2039 година:
10. Индонезија – проектиран БДП: 3,714 трилиони долари
Со просечен раст од 4,7% во оваа деценија и 4,3% меѓу 2030 и 2039 година, Индонезија ќе се искачи од 16-то на 10-то место. Главни двигатели на растот се конкурентноста и вложувањата во обновливи извори на енергија, иако се потребни економски диверзификации.
9. Канада – проектиран БДП: 3,74 трилиони долари
Канада, благодарение на богатството со природни ресурси, ќе се врати на 9-та позиција до втората половина од 2030-тите, иако моментално се соочува со предизвици како што се невработеност и висок јавен долг.
8. Бразил – проектиран БДП: 4,064 трилиони долари
Бразил, потпомогнат од природни ресурси и ниска инфлација, ќе напредува од 11-то на 8-мо место. И покрај тоа, економскиот раст ќе се движи околу 2% годишно.
7. Франција – проектиран БДП: 4,992 трилиони долари
Франција ќе го задржи седмото место на листата, и покрај политичката нестабилност, висок јавен долг и слаба конкурентност. Проекциите предвидуваат скромен раст од околу 1% годишно.
6. Обединетото Кралство – проектиран БДП: 6,251 трилиони долари
Иако британската економија е под притисок, со зголемен јавен долг и намалени приватни инвестиции, се очекува дека ќе задржи силна позиција во следните години благодарение на потенцијалниот раст.
5. Јапонија – проектиран БДП: 6,326 трилиони долари
Јапонската економија бележеше тешка 2024 година, но и покрај високото ниво на јавен долг, таа останува една од петте најголеми во светот. Очекуваниот раст ќе биде минимален – меѓу 0,6% и 0,9% годишно.
4. Германија – проектиран БДП: 7,486 трилиони долари
Германија, како индустриска сила на Европа, се соочува со високи трошоци за енергија и слаба побарувачка. Сепак, се очекува умерен опоравок со просечен годишен раст од околу 1%.
3. Индија – проектиран БДП: 12,821 трилиони долари
Индија има огромен економски потенцијал, поддржан од зголемено население, растечка средна класа и континуирани реформи. Се предвидува дека ќе стане трета најголема економија до 2029 година, со стабилен раст и позитивни трендови до 2036.
2. Кина – проектиран БДП: 44,768 трилиони долари
И покрај тоа што се наоѓа на второто место, кинеската економија се соочува со сериозни предизвици – пад на пазарот на недвижности, висока младинска невработеност, ниска доверба на потрошувачите и растечки јавен долг. Претходните прогнози дека ќе ја престигне САД до 2028 година сега изгледаат малку веројатни поради забавениот раст.
1. САД – проектиран БДП: 53,457 трилиони долари
САД остануваат глобален економски лидер до 2039 година. Најавените даночни реформи од страна на администрацијата на Трамп би можеле да донесат краткорочен економски подем, но јавниот долг и дефицитот се долгорочни ризици.
Извор: bizlife.rs
