Таа наведува дека Алтман го контактирал нејзиниот агент два дена пред да биде објавена демо верзијата на ChatGPT, барајќи Јохансон „уште еднаш да размисли“ за понудата, но новиот AI модел бил објавен пред да успеат да се поврзат.
„Кога ја слушнав објавената демо верзија, бев шокирана и лута. Не можев да поверувам дека Алтман ќе го искористи гласот кој толку морничаво личи на мојот глас, што дури и моите најблиски пријатели или новинските куќи не можеа да ја препознаат разликата“, рече актерката.
Извор: Freepik/jcomp
Според неа, Алтман во својата тогашна објава на мрежата X дури алудираше на тоа дека сличноста на гласовите е намерна, бидејќи напиша само зборот „Her“.
Имено, Скарлет го позајмуваше гласот во улогата на вештачката интелигенција во холивудскиот филм „Таа“ („Her“) од 2013 година.
OpenAI претходно соопшти дека ќе го повлече гласот Sky и на својот блог истакна дека тој не е избран да биде „имитација“ на гласот на Скарлет Јохансон.
