Акциите на компанијата паднаа за 9,2% во продолженото тргување во САД, но во текот на изминатата година забележаа раст од 5,96%.
Високите каматни стапки и тешката економија ги натераа компаниите и поединците да се фокусираат на намалување на трошоците, вршејќи притисок, меѓу другото, и врз развојот на компанијата Adobe, пишува Bloomberg.
Основана во 1982 година, Adobe е еден од најголемите добавувачи на софтвер за визуелни и видео уметници, кој вклучува пакети како Acrobat, Photoshop и Premiere Pro.
Компанијата со седиште во Сан Хозе, Калифорнија, исто така се соочува со конкуренција од стартапи како Stability AI и Midjourney, кои нудат слични услуги за вештачка интелигенција – вклучувајќи генерирање слики од текстуални барања.
Adobe очекува приходот за четвртиот квартал да биде помеѓу 5,5 и 5,55 милијарди долари, во споредба со проценките на LSEG од 5,61 милијарди долари, и квартална заработка по акција (EPS) помеѓу 4,63 и 4,68 долари, во споредба со претходните проценки од 4,67 долари по акција.
Adobe ќе лансира новa алатка за креирање видео генерирана со вештачка интелигенција наречена Adobe Firefly Video Model во ограничена серија, подоцна оваа година, што се очекува да го привлече вниманието на креативните професионалци.
Приходот за кварталот што заврши на 30 август изнесуваше 5,41 милијарди долари. Оперативните трошоци за третиот квартал изнесуваа 2,86 милијарди долари, во споредба со 2,61 милијарди долари претходната година.
Извор: BIZLife.rs
