Извршниот директор Енди Џеси ја објави новата политика, велејќи дека промената ќе им помогне на илјадници вработени „да соработуваат и да се поврзат доволно едни со други и со културата на компанијата за да го испорачаат апсолутно најдоброто за клиентите и за бизнисот“.
Новата политика стапува на сила на 2 јануари 2025 година. Џеси претходно се залагаше вработените да работат во канцеларија, бидејќи според него, физичкото присуство ја подобрува културата на компанијата.
„Не е лесно да се вратат илјадници вработени во нашите канцеларии ширум светот, па затоа на тимовите што треба да ја завршат таа работа ќе им дадеме малку време да развијат план“, напиша Џеси во претходниот меморандум од 2023 година.
Предности на работата од канцеларија
Тој го задржа тоа гледиште и повеќе од една година подоцна. Во дописот истакна дека и понатаму веруваат дека предностите од заедничкото работење во канцеларија се значајни. Исто така, забележа дека на вработените им е полесно да учат, да вежбаат и да ја зајакнуваат културата.
Извор: Freepik
„Соработката и размислувањето се поедноставни и поефикасни, учењето е едноставно, а тимовите имаат тенденција да бидат подобро поврзани едни со други“, рече тој.
Ако вработените во Amazon не ја почитуваат сегашната политика, тоа може да ги загрози нивните шанси за унапредување, а исклучоците за работа од дома ќе бидат предмет на дополнително одобрување од раководството, пишува CNN.
Отпор од страна на вработените
Amazon се соочи со одреден отпор од страна на вработените за овој мандат. Минатата година некои вработени организираа протест пред седиштето во Сиетл, наведувајќи повеќе жалби, вклучувајќи го и притисокот да се вратат во канцеларија најмалку три дена во неделата. Протестот во мај 2023 година исто така се случи неколку месеци откако компанијата потврди дека отпушта околу 27.000 работници во повеќе круга на кратења.
Иако компаниите во одредени сектори, особено на Волстрит, ја нагласија потребата од целосно враќање на работа, повеќето компании се откажаа од барањето вработените да работат пет дена неделно во канцеларија. Според анкетата на директори од The Conference Board, само 4% од извршните директори во САД и 4% од извршните директори ширум светот изјавиле на почетокот на годината дека ќе дадат приоритет на враќањето на вработените во канцеларија со полно работно време.
Извор: BIZLife.rs
