Овој гигант во областа на онлајн купувањето го претстави Haul како искуство достапно исклучиво преку мобилни уреди во својата апликација за купување, наменето за корисниците во САД.
Компанијата наведува дека купувачите можат да очекуваат „невројатно ниски цени“ за производите купени на Haul, кои се „вредни на чекање“ до две недели за испорака.
Кинеските ривали на Amazon во е-трговијата во последните години бележат брз раст, но се соочуваат и со критики за еколошкиот влијание на производството и испораката на сè поголем број евтини производи.
Извор: Freepik
„Temu и Shain се соочија со критики поради искористување на дупките во законите за увоз, но и поради расипничко и еколошки неодговорно работење,“ изјави Сучарита Кодали, аналитичарка за малопродажба од компанијата Форестер, за BBC News.
„Овој обид се соочува со истите предизвици,“ додаде таа, зборувајќи за платформата Amazon Haul.
Haul го означува долгоочекуваниот влез на Amazon на пазарот на поевтини производи со подолго време на испорака – бизнис модел кој овозможи подем на компании како Temu и Shain.
Меѓутоа, регулаторите ширум светот сè повеќе изразуваат загриженост поради растот на платформите кои масовно продаваат производи по многу ниски цени. Европската комисија во октомври покрена постапка против Temu поради загриженост дека не спречува продажба на нелегални производи.
Производи до 10 и 20 долари
Amazon ги постави ниските цени во центарот на својата понуда преку Haul. Покрај максималната цена од 20 долари, компанијата наведе дека повеќето производи ќе чинат помалку од 10 долари.
Како примери во соопштението за медиуми наведоа сет од три жилети и „елегантен сет од огрлица, нараквица и обетки“ достапни за нешто помалку од три долари. Бесплатна испорака ќе биде достапна за нарачки од 25 долари или повеќе, со време на испорака од една до две недели.
„Наоѓање на одлични производи по многу ниски цени е важно за купувачите, а ние продолжуваме да истражуваме начини на кои можеме да соработуваме со нашите партнери за да понудиме производи по ултра-ниски цени,“ изјави Дармеш Мехта, потпретседател на Amazon за глобални услуги на партнерската продажба.
Извор: Freepik
Компанијата наведува дека „бета“ верзијата на Haul искуството ќе овозможи продажба на сите производи со гаранции од Amazon, обезбедувајќи им на купувачите сигурност во однос на квалитетот и безбедноста на производите.
Мехта изјави дека ова сè уште е „ран стадиум“ на новата вертикала на купување, и дека повратните информации од купувачите ќе бидат внимателно слушани за да се „унапреди и прошири платформата во наредните недели и месеци.“
Кодали додаде дека проектот не е без ризик за Amazon. Таа за BBC изјави дека постојат докази дека потрошувачите „се сè повеќе заситени од неквалитетни производи и бавна испорака.“
Ако производите ги разочараат купувачите и бидат неисплатливи за Amazon, „не очекувам дека Haul долго ќе опстане,“ заклучи таа.
Извор: Bizlife.rs
