Гигантот Meta, кој ги поседува Facebook, Instagram и WhatsApp, сака да го прошири своето присуство во областа на технологијата и надвор од социјалните мрежи, вклучително со вештачката интелигенција и потребната инфраструктура за поддршка.
Проектот Вотерворт вклучува изградба и поставување на масивен подводен кабел долг 50.000 километри кој ќе ја опфаќа целата планета и ќе поврзува пет континенти.
Подводниот кабел ќе обезбеди исклучително поврзување меѓу пет големи континенти и ќе им помогне за идните планови на Meta во областа на вештачката интелигенција.
„Проектот ќе овозможи подобра економска соработка, ќе обезбеди дигитално вклучување и ќе отвори можности за технолошки развој во овие области“, велат од Meta.
Извор: Freepik
Кабелот ќе биде најдолгиот кабел некогаш направен, со структура на влакна од 24 парови, што овозможува поголем капацитет.
Подводните кабли станаа исклучително важни во последните децении бидејќи овозможуваат функционирање на бројни дигитални услуги и брз пренос на огромни количини на податоци.
Повеќе од 95% од интернет сообраќајот во светот се пренесува преку подводни кабли.
Телекомуникациската компанија Telegeography вели дека во моментов во светот се користат околу 600 подводни кабли.
Еден од нив е кабелот „2Africa“, финансиран од Meta и мобилните оператори Orange, Vodafone и China Mobile, кој е долг 45.000 километри и поврзува три континенти.
Извор: Bizlife.rs
