Еве кои авиокомпании веќе најавија измени и како тоа ќе се одрази на вашиот паричник:
Lufthansa и KLM
Германскиот гигант Lufthansa веќе претходно најави приземјување на дури 20.000 летови за да ги заузда трошоците. Сличен потег повлече и холандскиот KLM, откажувајќи 160 летови од аеродромот Schiphol во мај, со образложение дека летовите при моменталните цени на керозинот едноставно веќе не се финансиски исплатливи.
Извор: Unsplash/Arkin Si
Turkish Airlines: Суспензија на 18 рути
Турскиот национален авиопревозник ги суспендира летовите на 18 меѓународни рути, а промените ја погодуваат мрежата во Европа, Африка и Азија.
Според податоците на платформата Aeroroutes, Turkish Airlines ја намалува фреквенцијата на летови кон Сараево (просечно три лета неделно помалку од јули) и Загреб (еден до два лета неделно помалку од јуни).
Компанијата SunExpress (заеднички влог на Turkish Airlines и Lufthansa) воведува привремена „такса за гориво“ од 10 евра по патник за сите летови од Турција кон Европа.
Transavia: Ваучери или поврат на пари
Low-cost компанијата Transavia, дел од групацијата Air France-KLM, исто така ги откажува летовите планирани за мај и јуни. На патниците кои се погодени од овие промени ќе им бидат понудени ваучери, целосен поврат на парите или бесплатно презакажување во рок од 24 часа од откажувањето.
Има ли добри вести?
За оние кои ги уплатиле аранжманите преку големите туроператори, ситуацијата е нешто постабилна. Германскиот туристички гигант TUI соопшти дека нема да ги зголемува цените за клиентите кои веќе ги резервирале своите одмори.
Извор: bizlife.rs
