Кралот Чарлс му го додели ова признание на педесетгодишниот Бекам за време на свеченоста во Беркшир. За време на кариерата, Бекам забележа 115 настапи за националниот тим и го носеше дресот на Англија како капитен од 2000 до 2006 година. Тој учествуваше на три Светски првенства и два Европски шампионата.
Легенда на „црвените ѓаволи“
Фудбалскиот пат го започна во младинската академија на Манчестер Јунајтед, во славната генерација ’92. Во првиот тим на „црвените ѓаволи“ помина единаесет сезони, по што во 2003 година премина во Реал Мадрид за околу 35 милиони евра. Во Шпанија остана четири години, а потоа замина во МЛС, каде што го носеше дресот на Лос Анџелес Галакси. За време на престојот во САД, двапати замина во Милано, за да ја заврши кариерата во 2013 година во Пари Сен Жермен.
Сепак, значењето на Бекам ги надминува спортските рамки. Роден во источен Лондон, тој беше еден од клучните промотори на кандидатурата на Лондон за Олимписките игри во 2012 година. Од 2005 година соработува со УНИЦЕФ, а десет години подоцна беше основан специјален фонд во рамките на организацијата, посветен на неговата хуманитарна работа.
Во 2024 година стана амбасадор на Кралската фондација, поддржувајќи иницијативи на кралот Чарлс во областа на образованието и заштитата на природата.
Бекам и натаму е активен во светот на фудбалот. Тој е еден од сопствениците на Солфорд Сити, клуб кој се натпреварува во третата лига на англискиот фудбал, заедно со Гери Невил и други поранешни соиграчи. Исто така, е ко-сопственик на Интер Мајами во МЛС лигата, каде што моментално настапува Лионел Меси.
