Системот Mitao користи ВИ систем кој обезбедува прецизни проценки на насоките на тајфуните, дождот и промените во температурата за само неколку секунди, секаде на планетата.
Од кога Mitao почна да ја користи новата технологија, бројот на смртни случаи значително се намали.
Напредните модели за предвидување на временски непогоди се сведени на едноставни Mitao прогнози поделени во неколку категории. Тука се зелената како најповолна, а потоа помалку прифатливите жолта и портокалова прогноза. Црвената е неприфатлива и советот за рибарите е воопшто да не излегуваат на море. Прогнозата е поделена по денови и содржи насока на дување на ветерот и симболи кои лесно се толкуваат. Таблите со прогноза се поставени на плажите во селата во загрозените подрачја и на други лесно видливи и посетени места.
Извор: Freepik
Употребата на новата технологија успешно ги предвиде опасностите што ги донесе тропскиот циклон Алваро во јануари 2024 година. Навремено ги предупреди жителите за невремето и им ги спаси животите. Mitao планира да ги прошири предностите на оваа технологија на цел Мадагаскар и ширум остатокот на Африка.
5G го забрзува користењето на чиста енергија ширум светот
До 2030 година, околу 40 проценти од глобалната побарувачка за енергија ќе користи обновливи извори, што претставува предизвик во нивната интеграција во електричната мрежа. Huawei Intelligent Distribution Solution (IDS) претстави решение кое користи дигитална и IoT технологија за намалување на загубите во мрежата, подобрување на управувањето со енергијата и зголемување на доверливоста на снабдувањето. Со ова, 5G ги поддржува напорите за зачувување на чистата енергија преку интеграција на обновливи извори и оптимизирање на работата на мрежата. Тестовите спроведени во различни региони покажуваат исклучително охрабрувачки резултати. Ова дополнително ја поттикнува употребата на иновативни технологии кои ја забрзуваат транзицијата кон чисти и обновливи извори на енергија.
Решенијата за складирање на енергија кои се достапни во моментов не се во можност целосно да ја задоволат современата побарувачка. Поради застарената инфраструктура и неефикасните технологии, традиционалните мрежи трпат значителни загуби на енергија при пренос и дистрибуција. Подобрувањето на отпорноста на мрежата и воспоставувањето на врски надвор од државните граници, дури и во земји со веќе добро воспоставени енергетски мрежи, ќе биде возможно преку надградба на мрежата и користење на нови 5G технологии.
