Најновите сознанија за влијанието на ВИ
Во најновиот извештај, UNCTAD истакнува дека вештачката интелигенција може драстично да го трансформира пазарот на трудот, повеќе од кој било претходен технолошки бран.
За разлика од претходните иновации кои претежно влијаеја на производствените работи, вештачката интелигенција денес директно ги засега секторите засновани на знаење – како што се финансии, правни услуги, образование и администрација. Токму затоа, развиените земји, кои имаат најголемо влијани на вакви работни места, ќе бидат изложени на овие промени.
Повеќе продуктивност – но не и повеќе еднаквост
И покрај огромниот потенцијал на AI технологиите за зголемување на продуктивноста, UNCTAD предупредува дека сите погледи се свртени кон капиталот, а не на работната сила.
Ова дополнително го зголемува ризикот од губење на конкурентната предност на евтината работна сила во земјите во развој. Со други зборови, државите со ниски трошоци би можеле да ја изгубат својата најважна економска предност.
AI пазарот наскоро со вредност колку целата германска економија
Проценките покажуваат дека пазарот на вештачка интелигенција би можел да достигне вредност од 4,8 трилиони долари до 2033 година – што е приближно колку една цела економија на Германија.
Сепак, пристапот до AI ресурсите и експертизата е концентриран во мал број земји, додека дури 118 држави – главно од Глобалниот Југ – не се вклучени во клучните дискусии за управување со AI технологиите, пренесе порталот TechXplore.
Повик за дигитална правичност и инклузивен развој
UNCTAD повикува на засилување на дигиталната инфраструктура, инвестирање во образованието и вклучување на земјите во развој во глобалните иницијативи за вештачка интелигенција.
Во спротивно, технологијата што има потенцијал да придонесе кон одржлив развој, може да ги продлабочи веќе постоечките глобални нееднаквости.
Извор: Webmind редакција
