Тужбата е поврзана со судскиот процес кој се однесува на идната структура на OpenAI , компанијата која ги постави темелите за развој на вештачката интелигенција, пренесува Ројтерс.
Маск и извршниот директор на OpenAI, Сем Алтман, ја основаа компанијата во 2015 година, но Маск ја напушти пред таа да прерасне во технолошки лидер.
Во 2023 година, Маск ја основа својата компанија xAI, и се обиде да го спречи OpenAI во транзицијата кон профитен модел, што доведе до актуелниот судски спор.
Во својата тужба OpenAI тврди дека Маск користел медиумски напади, кампањи на социјалните мрежи, барања за корпоративни документи, како и други правни постапки со цел да ѝ наштети на компанијата.
Минатата година, Маск поднесе тужба против OpenAI, обвинувајќи ја компанијата дека се откажала од својата почетна мисија – развој на вештачка интелигенција во корист на човештвото, наместо за профит.
OpenAI и Алтман ги негираат сите обвинувања, тврдејќи дека Маск се обидува да го успори развојот на конкуренцијата.
Овој судски процес се смета за клучен за транзицијата на OpenAI.
Извор: web-mind.rs
