Оваа функционалност првпат беше забележана во кодот на Google апликацијата во јуни, а сега постепено се воведува на компатибилни Android уреди, пренесува 9to5Google.
Gemini може да пушта музика преку пребарување според наслови на песни, имиња на изведувачи, имиња на албуми, плејлисти или според одредена активност. Сепак, во моментот, нема да може да креира плејлисти или радио станици на Spotify.
Важно е да се истакне дека, доколку веќе сте поврзале друга музичка услуга како YouTube Music, ќе треба јасно да наведете, вербално или текстуално, која услуга сакате Gemini да ја користи во почетното барање. Потоа, асистентот автоматски ќе ја користи последно избраната услуга.
Извор: Unsplash
Spotify е втората апликација надвор од екосистемот на Google што добива поддршка за функционалностите на Gemini, по WhatsApp, кој ја доби оваа можност во октомври.
Според страницата за поддршка на Google, најпрво е потребно да ги поврзете вашите Spotify и Google профили за да ги активирате Gemini екстензиите. Исто така, ќе треба да ја активирате опцијата Gemini Apps Activity, која може да ги чува вашите AI барања до 72 часа, наведува The Verge.
Екстензијата за Spotify нема да биде достапна во апликацијата Google Messages, веб апликацијата на Gemini, ниту во апликацијата Gemini на iOS. Оваа функционалност работи исклучиво кога јазикот за Gemini е поставен на англиски.
Извор: Bizlife.rs
