Лоцирано на истата страна како и копчето за заклучување, функцијата за контрола на камерата им овозможува на корисниците да направат фотографија и дури да зумираат со повлекување по копчето за контрола, кое зумира и назад за широк агол на снимање.
Генерацијата Z е особено наклонета кон правење селфи со 0,5x зум, но за да направат селфи со постари верзии на iPhone, треба да ја свртат камерата и да го притиснат копчето за глас.
„Во врска со тоа дали новата функција за контрола на камерата е специјално дизајнирана за Генерацијата Z, мислам дека едноставниот одговор на тоа е „absolutely“ – изјави за Business Insider Моника Хилисон, професор по маркетинг од Вирџинија Тек.
Извор: Pixabay
„Едноставно замислете ја оваа функција за контрола на камерата како нешто до што алатки од трети страни како Instagram, ChatGPT или Google би можела да пристапат и да го користат за да ги подобрат своите нови технолошки иновации, како на пример функциите за вештачка интелигенција.“
Друг професор по маркетинг од Вирџинија Тек, Абдул Ал Џумаили, изјави за Business Insider дека со иновативното копче за камерата фотографирањето со телефон е „поедноставно, побрзо и поконтролирано,“ и предвидува дека ажурираниот дизајн на уредот може да ѝ помогне на компанијата да ја задржи својата „лојална база на корисници.“
„Новата контрола на камерата заедно со поголемиот екран и подобрените перформанси на батеријата ќе го направат iPhone 16 Pro Max врвен избор за потрошувачите од Генерација Z,“ додаде Ал Џумаили.
Извор: Pixabay
Иако други експерти велат дека можеби нема да биде толку посакуван за некои зумери во други делови од светот, најновиот iPhone беше промовиран на 20-ти септември и предизвика голема возбуда кај луѓето кои нетрпеливо го чекаа.
iPhone 16 е достапен во пет бои: црна, бела, зелена, розова и сина, и покрај значителното унапредување на камерата, доаѓа со низа нови функции вклучувајќи „Apple Intelligence“ потпомогнат од ChatGPT, подобрена конверзациска способност со Siri и многу повеќе со iOS 18.
Извор: nypost.com
