Клучната разлика помеѓу рестартирањето и исклучувањето е во времето колку уредот е исклучен. Кај рестартирањето, телефонот веднаш повторно се вклучува откако ќе ги исклучи процесите, додека кај целосното исклучување вие одлучувате кога повторно ќе го вклучите.
Важно: не постојат докази дека исклучувањето на телефонот носи дополнителни системски бенефити во однос на рестартирањето. Не ја „чисти“ меморијата подлабоко ниту подобро ги решава процесите во однос на рестартирањето. Бидејќи рестартирањето трае значително пократко, во повеќето случаи е подобра опција.
Исто како и кај тоа колку често треба да го чистите телефонот, и зачестеноста на рестартирањето зависи од корисникот. Сепак, повеќето експерти препорачуваат да го правите тоа одвреме-навреме особено ако планирате да го користите телефонот подолго или ако забележите забавување.
Кога сепак има смисла да се исклучи телефонот?
Иако нема техничка предност во работата на системот, постојат ситуации кога целосното исклучување е подобар избор:
Штедење батерија
Ако сакате да ја зачувате батеријата, можете да го исклучите телефонот. Сепак, заштедата е минимална разликата е обично мала во споредба со „sleep“ режимот. Исто така, самото вклучување на телефонот троши дополнителна енергија. Затоа, исклучувањето поради батеријата се препорачува само ако нема да го користите уредот подолго време (на пр. во текот на ноќта).
Прегревање
Ако телефонот значително се загрее (на пр. поради захтевни апликации или користење на сонце), исклучувањето е најдобриот начин да се олади. Рестартирањето нема да помогне на ист начин, бидејќи процесите набрзо повторно ќе се активираат.
Поправки и технички интервенции
Кога менувате батерија, влегувате во recovery мени или правите каква било интервенција, целосното исклучување е неопходно.
За секојдневна употреба рестартирањето е побрз и попрактичен избор. Исклучувањето има смисла во специфични ситуации, но нема да донесе дополнителни перформанси во однос на рестартирањето.
Со други зборови: ако телефонот „кочи“, рестартирајте го. Ако се „препотува“, исклучете го.
Извор: webmind.rs
