Купивте нов мобилен телефон. Што ќе направите со стариот? Многумина ќе го остават во фиока затоа што можеби ќе им треба подоцна, но тоа не се случува секогаш. Според една анкета, луѓето во Германија сè уште имаат еден куп стари телефони зачувани во фиоките, иако веќе не ги користат.
На основа на испитување спроведено со 1004 лица во Германија, дигиталната асоцијација Bitkom проценува дека граѓаните сè уште поседуваат 195 милиони стари мобилни телефони кои не ги користат. Сепак, тоа е помалку отколку пред три години, кога тие биле 210 милиони.
Иако е забележан пад, бројката сè уште е многу висока, истакнува асоцијацијата.
„Во германските домаќинства се наоѓа огромно богатство на суровини“, изјавил главниот директор на Bitkom, Бернхард Рохледер, пишува Heise.
„Паметните телефони содржат злато, сребро и ретки земни метали кои може повторно да се искористат.“
Наместо да собираат прашина, старите уреди треба да се проследат понатаму или правилно да се чуваат.
„Така може да се заштедат вредни ресурси, да се избегне електронски отпад и да се заштити животната средина.“
Анкетата била спроведена меѓу лица постари од 16 години. 89 отсто од нив изјавиле дека поседуваат барем еден мобилен телефон кој не го користат. Тоа е околу 61 милион луѓе. Меѓу нив, 54 отсто чуваат три или повеќе уреди кои не ги користат.
Извор: Odrzime.rs
