Како да извлечете максимум од Црниот петок со помош на вештачката интелигенција
Купувачите ја користат ВИ како моќен „ловец на попусти“, преминувајќи ги границите на обично споредување на цени и влегувајќи во ерата на таканаречената „агентска трговија“, каде потрошувачите можат целосно да го делегираат купувањето. Замислете да му дадете задача на вашиот ВИ агент да ги следи цените на одреден 65-инчен 4К телевизор и автоматски да го купи кога цената ќе падне под вашата целна сума.
Не само купувачите, туку и познатите брендови и онлајн продавници брзо ја интегрираат вештачката интелигенција во секој слој на купувачкото искуство — од системи за динамично формирање цени и предиктивно управување со залихи, до персонализирани препораки за производи и ВИ асистенти за разговор. Некои брендови веќе им овозможуваат на купувачите да истражуваат и купуваат производи директно преку чет-ботови со ВИ, како што е ChatGPT.
Безбедносни ризици при користење ВИ за купување
Меѓутоа, погодностите што ги носи трговијата заснована на вештачката интелигенција носат и нови ризици за сајбер безбедноста. Доверувањето на ВИ агентите да носат одлуки за купување и плаќање отвора повеќе потенцијални вектори на напад: чет-ботовите може да бидат компромитирани преку техники на инјектирање наредби (prompt injection), кои ги пренасочуваат корисниците кон злонамерни веб-страници, а кражбата на акредитиви од такви страници може да доведе до финансиски измами и истекување на податоци.
Дополнително, за време на Црниот петок измамниците често ги имитираат големите трговски синџири како Amazon и Walmart, испраќајќи фишинг пораки кои наводно нудат ексклузивни попусти или награди. На пример, минатата година Kaspersky забележа речиси 25% пораст на сајбер закани насочени кон трговијата на мало во пресрет на Црниот петок.
Како да останете безбедни додека штедите
Добрата вест е дека луѓето не мора да се откажат од предностите на вештачката интелигенција за да останат безбедни. Со прифаќање на следните паметни сајбер навики, потрошувачите можат да направат нивното купување истовремено да биде и профитабилно и безбедно:
Користете добро осмислени барања (prompt-ови)
Наместо нејасно барање како: „Најди ми ги најдобрите понуди за лаптопи за Црниот петок“, што може да даде помалку точни или сигурни резултати, обидете се да формулирате прецизен налог. Многу поефикасен пристап би бил:
„Однесувај се како мој доверлив личен асистент за купување. Пронајди три лаптопи кај големи, познати продавачи како Apple, Amazon или Dell, со просечна оценка на купувачи од најмалку 4 ѕвезди. Исклучи продавачи со помалку од 1.000 рецензии. За секој производ наведи го името, клучните спецификации, моменталната цена и директна врска кон страницата на производот на официјалниот сајт на продавачот. Осигури се дека сите понуди важат за Црниот петок 2025.“
Внимавајте што споделувате со вештачката интелигенција
Избегнувајте да давате пристап на ВИ алатки или додатоци во прелистувачот (plug-ins) до вашите податоци за плаќање, освен ако доаѓаат од исклучително сигурни и познати компании. Засилете ги вашите сметки со користење повеќефакторска автентикација и избирајте проверени платформи за плаќање или кредитни картички, кои нудат подобра заштита од измами во споредба со дебитните картички. За дополнителна заштита на вашите банкарски податоци, размислете за користење решение за сајбер безбедност со функција за заштита на онлајн плаќања.
Секогаш проверувајте ја веб-адресата (URL) пред да внесете лични или платежни податоци
Не кликнувајте на линкови во несакани е-пораки, СМС пораки или реклами на социјалните мрежи — без разлика колку примамливо звучи понудата — секогаш сами отворете го официјалниот сајт на продавачот. За да останете навистина заштитени при купување за време на Црниот петок, користете сигурно безбедносно решение со анти-фишинг компонента. На пример, Kaspersky сè повеќе ги подобрува своите решенија со алатки засновани на вештачка интелигенција за борба против фишинг, овозможувајќи напредна сајбер заштита од сè посложени закани.
Заклучок
Оваа година, за време на Црниот петок, вештачката интелигенција е вашиот најмоќен сојузник во снаоѓањето низ попустите, но вреди да се запомни дека сајбер-криминалците ја користат истата технологија. Со паметно користење на можностите што ги нуди ВИ и придржување до строги безбедносни практики, можете да постигнете невидена удобност и заштеда, без да станете жртва на дигиталните напади за време на празничната сезона.
