Станува збор за Caffè Florian, чувеното место на Плоштадот Свети Марко кое веќе со векови привлекува туристи, уметници, писатели и љубители на кафе од сите краишта на светот.
Кафеана која преживеала три века историја
Caffè Florian е отворен на 29 декември 1720 година под називот „Alla Venezia Trionfante“, но набрзо го добил името по својот основач, Floriano Francesconi.
Благодарение на престижната локација во самиот центар на Венеција, кафеаната многу брзо станала омилено собиралиште на европската елита. Меѓу гостите на оваа чувена кафеана биле Јохан Волфганг фон Гете, Ѓакомо Казанова, Лорд Бајрон, Марсел Пруст и Чарлс Дикенс.
Посебна занимливост претставува фактот дека во времето кога била отворена, таа била една од ретките венецијански кафеани во кои на жените им бил дозволен влез, што дополнително ја издвојувало од конкуренцијата.
Извор: Unsplash/Claudio Schwarz
Ентериер кој не се менувал повеќе од 160 години
Средината на 19 век кафеаната била реновирана, а нејзиниот препознатлив изглед е зачуван до денес. Внатрешноста ја сочунуваат шест раскошно уредени салони украсени со уметнички дела на познати сликари од тоа време.
Посетителите можат да престојуваат во просториите познати како Салон на славните, Салон на Сенатот, Кинески салон, Ориентален салон, Салон на огледалата и Салон Либерти, од кои секој има единствен стил и историска приказна.
Денес Caffè Florian е многу повеќе од обична кафеана. Спојот на врвно кафе, традиционални италијански десерти, уметноста и историјата го прави една од најпознатите атракции на Венеција. Иако цените не се меѓу најниските, искуството на испивање кафе на Плоштадот Свети Марко за многу туристи претставува незаобиколен дел од посетата на градот на вода.
Извор: bizlife.rs
