Вишингот станува една од најманипулативните и најбрзорастечки форми на социјален инженеринг, како и значаен канал за корпоративни измами. На пример, AIB банката на почетокот од 2025 година забележа пораст на вишинг напади од 79% во споредба со претходната година, вклучително и случај каде еден деловен клиент за малку не загубил 41.000 евра за време на измамнички телефонски повик. Дополнително, во еден позначаен случај идентификуван од компанијата Google и означен како UNC6040, напаѓачите ги таргетирале корисниците на Salesforce платформата во околу 20 организации преку гласовен фишинг, наведувајќи ги вработените да инсталираат лажна апликација која им овозможила целосен пристап до корпоративните податоци.
Овие искуства ја прават особено важна едукацијата на корисниците за тоа како да ги препознаат и соодветно да реагираат на измами преку гласовна комуникација. Некои компании воведоа нов ASAP модул посветен на вишингот, продолжувајќи ја својата мисија за градење на практични вештини за сајбер хигиена кај вработени во различни индустрии.
Ваквите модули нудат студии на случај од реалниот свет, интерактивни лекции и практични сценарија кои им помагаат на корисниците да ги препознаат предупредувачките знаци и да усвојат побезбедни навики во комуникацијата.
Вишингот веќе не е само закана за поединци, сè почесто се користи за напади врз организации, што доведува до финансиски загуби, истекување на податоци и нарушување на угледот.
Извор: we-mind.rs
