Нова функција: Repost — како функционира?
Новата опција Repost овозможува споделување на јавни содржини (Reels и објави од feed) директно на сопствениот профил, што досега беше можно само преку Stories или директни пораки.
Репостираните објави се прикажуваат во посебна картичка „Reposts“ на профилот на корисникот, што го олеснува нивното повторно прегледување или споделување.
Изгледа дека Instagram овозможува и додавање кратка порака во форма на „thought bubble“ (балонче со текст) заедно со репостот.
Реакции на публиката и стручниот контекст
Новата функција предизвика реакции поради сличноста со опциите на други платформи, критичарите укажуваат дека Instagram повторно ја „копира“ конкуренција: Stories од Snapchat, Reels од TikTok, а сега и repost од Twitter/X.
Се појавија и коментари со збунетост и фрустрација:
„What the hell is the new repost button on Instagram?!”
„So you mean the way… I’m now gonna have to also mute them in my feed.“
Што значи repost за креаторите и брендовите?
Креаторите можат значително да имаат корист со репостирање, нивната содржина добива шанса да стигне до поширока публика, дури и надвор од кругот на нивните следбеници.
Брендовите и инфлуенсерите сега имаат нов канал за ширење на содржина создадена од корисници (user-generated content) со зачувување на кредибилитетот, репостот автоматски го прикажува оригиналниот автор.
Сепак, стручњаците предупредуваат дека претераната употреба на репости може да го наруши внимателно уредениот визуелен идентитет на Instagram профилот.
Оваа промена е дел од пошироката стратегија на Instagram да ја направи платформата подинамична, поинтерактивна и посоцијална нешто што, според изјавата на шефот на Instagram, Адам Мосери, е клучно за корисниците повеќе да се ангажираат со содржината од своите пријатели, наместо само пасивно да консумираат алгоритамски предложени објави.
Овој потег доаѓа во момент кога беа објавени податоци од антимонополскиот спор против Meta — само 7 % од активноста на Instagram вклучува вистинска содржина од пријатели. Функцијата за репост може да помогне овој процент да се зголеми.
Извор: web-mind.rs
