Социјалните мрежи се преплавени со вакви мелодрами додека креаторите на содржини користат вештачка интелигенција (AI) за да ја претворат секојдневната храна во измислени ликови со човечки особини, чувства и односи, градејќи драматични приказни околу нив. Ваквата содржина се покажа и како паметно решение за избегнување на правните ризици поврзани со користењето слики од славни личности.
@storyzone46 #sadstory #emotionalstory #aistory #ai ♬ original sound – Story Zone
Без правни заплети за креаторите
Овие необични приказни собираат десетици милиони прегледи, привлекуваат публика и истовремено ги чуваат авторите од правни неволји. За разлика од неодамнешните AI видеа со историски личности или познати филмски ликови, кои покренаа прашања за авторските права, анимираната храна досега се покажа како безбеден терен.
„Од правна гледна точка, видеата со храна генерирани со вештачка интелигенција се помалку ризичен дел од екосистемот кој брзо се легализира. Вистинскиот правен ризик денес лежи во неовластеното користење на човечки ликови и дела заштитени со авторски права. Генеричките слики од храна не покренуваат ниту едно од овие прашања“, вели Накул Ганди, партнер во комората NG Law.
Сепак, тој предупредува дека оваа правна сигурност би можела да биде привремена бидејќи сè повеќе земји ги пооструваат правилата за користење на вештачката интелигенција. Фокусот би можел да се прошири и на тоа како содржината е означена, па дури и „безопасното“ AI би можело да влезе во зона на регулаторна контрола
Милионски прегледи и заработка
Видеата за AI храна особено се популарни на Инстаграм. Некои од нив, во кои храната и зачините зборуваат за здравствените придобивки или се појавуваат во љубовни драми, собраа десетици милиони прегледи. Креаторите соработуваат со брендови и заработуваат од кратките видеа, кои ги прават по релативно ниска цена, што им овозможува повеќекратно да ја вратат инвестицијата.
Брендовите сè почесто се одлучуваат за нив наместо за соработка со инфлуенсери, бидејќи таквата содржина е атрактивна и значително поевтина. Пример е Инстаграм страницата што ја води инженер од Индија тој вели дека по редовната работа вложува по пет часа дневно во креирање на едноминутни спотови со храна во главните улоги.
@botanicalplanet #fruits #foodstory #animation #Trending #Foryoupage ♬ som original – Botanical Planet
Колку ќе трае овој тренд?
Самите креатори предупредуваат дека ова би можело да биде само преоден тренд кој ќе избледи штом AI заедницата се префрли на следниот популарен формат. Маркетинг експертите се согласуваат дека ова е појава со краток век, иако признаваат дека моментално поттикнува бран на содржини и имитации бидејќи храната е тема со која многумина лесно се поистоветуваат.
И покрај тоа, брендови како Google и одредени транспортни платформи веќе го прифатија овој тренд за да експериментираат со AI видеа во маркетингот. Експертите сметаат дека има потенцијал, особено за брендовите за брза испорака и малопродажба, но само ако успеат да направат содржина која ќе биде доволно интересна и природно интегрирана во приказната.
Извор: bizlife.rs
