YouTube ја објави својата нова политика која директно ги засега адолесцентите на возраст од 13 до 17 години кои сакаат да ја користат опцијата за пренос во живо на платформата. Почнувајќи од 22 јули 2025, сите корисници помлади од 16 години нема да можат самостојно да започнат live видео — освен ако не им помага возрасна личност која е видливо присутна за време на преносот.
Задолжително присуство на возрасни на стримот
Конкретно, децата на возраст од 13 до 15 години ќе можат да учествуваат во livestream само доколку возрасна личност родител, старател или менаџер на каналот не само што го модерира преносот, туку е и физички присутна на снимката. Во спротивно, YouTube може да го отстрани преносот, да ги деактивира опцијата за chat или дури и да го блокира пристапот до функциите за пренос во живо.
Овие измени се дел од пошироката стратегија за заштита на малолетните корисници, особено во реално време, каде што алгоритмите не можат секогаш доволно брзо да реагираат на потенцијално штетни содржини, коментари или непримерно однесување.
Иако оваа одлука ќе ја ограничи делумно креативната слобода на помладите YouTube-ери, компанијата порачува дека безбедноста е приоритет. „Сакаме YouTube да остане безбедно место за учење, креативност и заедница, но не по цена на сигурноста на децата,“ се наведува во официјалното соопштение, пренесе порталот AndroidPolice.
Новите прописи веќе предизвикаа поделени реакции некои родители ги поздравуваат построгите мерки, додека други стравуваат дека младите таленти ќе бидат обесхрабрени да се изразуваат. Сепак, јасно е дека дигиталната сцена се менува и дека платформите како YouTube преземаат сè посериозна улога во заштитата на своите најмлади корисници.
Извор: web-mind.rs
