Преку серија колумни на порталот BIZLife, кои ги пишуваат Дејан Патаки и Немања Живковиќ – двајца експерти со богато искуство во маркетинг, комуникации и оптимизација на настап на LinkedIn – ќе имате можност подетално да се запознаете со стратегиите што максимално ги искористуваат можностите што ги нуди LinkedIn. Овој пат Дејан Патаки пишува за личностите на кои LinkedIn не им е потребен.
Со цел да обезбедам конкретна вредност од содржината до која имате пристап, ќе наведам четири типови на личности кои немаат потреба да се ангажираат и да бидат присутни на најголемата бизнис платформа во светот, која ги поврзува деловните луѓе со мисија да ги направи поуспешни. Време е да се дефинира кому LinkedIn навистина не му е потребен, па да започнеме редум.
- „Сите веќе знаат кој сте, зошто да се трудите околу онлајн присуството?“
Целосно го изградивте вашиот професионален имиџ, а вашето искуство го опишавте во 5 напишани книги и нема потреба да давате совети онлајн. Сите компании одамна ви се на берза или продадени. Вашето време го посветувате на учење мандарински и на правење витези темплари со оригами-техника. Во секој случај, вашето име е веќе во учебниците, па зошто би ви требал и профил на LinkedIn? - „Новата можност е стрес, судбински сум врзан за моето работно место“
Вашата позиција ја предвиделе тарот картите уште пред 34 години кога баба ви се интересирала за вашата судбина. Тоа е тоа. Запишано е. Што воопшто значи можност? Вашата кариера е совршено испроектирана и секој ден се движи кон однапред утврдената цел. Односно, вие сте веќе на целта. Нема место за грешки. - „Јас и без LinkedIn ќе станам заменик на повисок координатор на Мачванско-Банатскиот округ на нашата партија“
Ако секој ден бидам присутен барем четири часа во кол-центар, се ангажирам со коментари на популарни сајтови барем уште два часа и таму ги следам инструкциите за креирање содржина. Потоа, присуствувам на два партиски состаноци каде што ме гледаат сите што треба да ме видат, и потоа се поврзувам со два сигурни, капиларни гласови – нема потреба да бидам на LinkedIn платформата ниту 5 минути. - „Дел сум од заедницата на владетели од сенка, имаме своја мрежа“
Нема што повеќе да кажам.
Извор: Bizlife.rs
