Во изминатите неколку дена, ByteDance им соопшти на инвеститорите дека сака да ги откупи акциите по цена од околу 180 долари.
Инвеститорите на ByteDance веруваат дека враќањето на новоизбраниот претседател Доналд Трамп во Белата куќа генерално е позитивно за надежите на TikTok во САД, според извештајот.
Во интервју за „Bloomberg BusinessWeek“ во јуни, Трамп изјави: „Јас сум за TikTok, затоа што ви треба конкуренција. Ако немате TikTok, имате Facebook и Instagram.“
Трамп претходно го нарече TikTok закана за националната безбедност, но набрзо се приклучи на платформата која ја користат околу 170 милиони Американци.
Законот кој на 24 април го потпиша американскиот претседател Џо Бајден му дава рок на ByteDance до 19 јануари да го продаде TikTok или ќе се соочи со забрана. Белата куќа соопшти дека сака да види крај на кинеската сопственост поради национална безбедност, но не и забрана за TikTok.
TikTok и ByteDance поднесоа тужба во федералниот суд на САД, барајќи блокирање на законот потпишан од Бајден.
Ниту TikTok, ниту ByteDance веднаш не одговорија на барањето на „Reuters“ за коментар.
Извор: Bizlife.rs
