Во кој облик ќе биде скратено работното време на вработените, од почетокот е препуштено на самите претпријатија, односно на нивниот менаџмент. Некои компании избрале петок да биде слободен за сите, додека други дозволиле на своите работници да работат пет дена по четири недели, па петтата работна недела да ја имаат во целост бесплатна, а трети на вработените им го скратиле дневното работно време.
Луѓето се поодморени, продуктивноста не опадна
Фирмата од Минстер, која се занимава со организација на патувања, веќе е во петтиот месец од пилот-проектот, а нејзиниот директор Јулиус Гралер наведува дека сите вработени имале свои подеми и падови, но од почетокот бил убеден дека треба да се намали неделното работно време и сакал да го испроба тоа во своето претпријатие.
„Може да се забележи дека луѓето се чувствуваат поодморено и дека немаат проблем да ја завршат својата работа во скратеното работно време“, напоменува тој и истакнува дека тоа сепак се исплатило.
Напоменува и дека вработените не работеле повеќе прекувремени часови, дека продуктивноста останала иста, а реакцијата на клиентите била позитивна.
„Дури 80 отсто од вработените го оценија проектот за четиридневна работна недела како успешен“, вели Гралер и нагласува дека, иако тоа за него претставува дополнителен организационен напор, сака да продолжи со четиридневна работна недела и по завршувањето на експерименталниот проект.
