Ви претставуваме шест стилови што оваа сезона, без притисок и големи планови, ќе ве инспирираат да создадете весела и удобна атмосфера во која навистина ќе уживате. Секој стил има своја енергија и лесно може да се прилагоди на вашиот ритам, време и простор – за топло засолниште и извор на радост за целото семејство.
Cozy Traditional
Доколку срцето ви затреперува на помисла за топлата кујна на баба и светлината на свеќите на празничната трпеза, тогаш Cozy Traditional е стил за вас. Тој носи чувство на домашна сигурност: богати бои, дрвени текстури, елки украсени со декорации што раскажуваат семејни приказни. Топлите тонови на бордо, златна и зелена создаваат атмосфера што се вовлекува под кожа, совршена за денови кога домот е полн гости, децата трчаат околу масите, а вие конечно забавувате.
Овој стил природно им одговара и на децата. Наместо кршливи украси, одберете дрвени и текстилни декорации кои ќе го издржат и највеселото трчање околу елката. Свеќите заменете ги со LED свеќички со топол сјај. Ако имате миленик, венците и ситните украси поставете ги малку повисоко, ќе изгледаат како дел од една рустична празнична приказна.
Scandi Minimalism
За жените кои сакаат просторот да дише слобода и опуштеност, сканди пристапот е вистински зимски мелем. Белата, беж нијансите и природното дрво носат мир и светлина, додека едноставната декорација ослободува од чувството на пренатрупаност. Неколку хартиени ѕвезди, гранче во ваза и нежни светилки често се доволни за да создадат празнична атмосфера без вишок. Scandi стилот е како длабок здив помеѓу сите обврски.
Идеален е за дом со деца помалку декорации значи повеќе простор за игра. Елката украсете ја со дрвени и хартиени украси што можете да ги изработувате заедно со децата. Милениците ќе ги обожаваат меките ќебиња и нежните перничиња од материјали што лесно се перат практични, топли и совршени за зимските денови.
Coastal Grandma
Ако копнеете по нежен, смирувачки декор во период кога деновите се скратуваат, Coastal Grandma е идеален избор. Во домот внесува морски тонови и зимска светлина: песок, седеф, придушена сина. Меките ткаенини, ленените чаршафи и плетените корпи создаваат чувство на тивка елеганција. Совршен е за жени кои сакаат просторот да остане светол и лесен, дури и во најстудената сезона.
Природните, меки материјали го прават овој стил вистински пријател на семејствата. Наместо кршливи предмети, одберете имитации од пластика или рециклирани материјали што и понатаму изгледаат елегантно. Ленените чаршафи и навлаки лесно се перат, а плетените корпи ги сокриваат играчките што „исчезнуваат“ пред доаѓањето на гостите. За милениците, одличен избор се текстурирани перничиња и подлоги што не лизгаат практични, удобни и смирувачки.
Moody Vintage
За денови кога ви треба малку романтична драма, Moody Vintage создава магична сцена во домот. Темнозелените и бордо нијанси, старинските свеќници и витражите носат атмосфера на интимен луксуз. Идеален е за вечери кога децата спијат, а вие конечно имате неколку моменти само за себе.
Иако подразбира стакло, метал и потемни површини, овој стил лесно се приспособува на семејниот дом. Старите украсни топчиња поставете ги повисоко на елката, а пониските делови украсете ги со плишени машни во длабоки тонови. Тешкото осветлување заменете го со LED светилки со топол сјај безбедни се, а сепак создаваат преубава, топла атмосфера.
Colorful Retro
Ако на вашето внатрешно дете му треба повеќе боја и смеа, Colorful Retro го враќа она детско воодушевување. Тиркизните, жолтите, црвените и розовите тонови внесуваат енергија поради која празниците се чувствуваат како мала забава дури и среде работна недела. Ретро / украсите, глобус-светилките и шарените чаршафи потсетуваат на денови кога сè беше многу поедноставно.
Овој стил обожава пластика, силни бои и „неозбилни“ украси што тешко се кршат – совршен за деца и мачки што ја обожаваат елката. Комбинирајте ретро топчиња со силиконски и украси. Шарените светилки одберете ги во варијанти што остануваат ладни на допир. Карираните чаршафи и килими дискретно ги сокриваат „секојдневните траги од животот“.
