Главната цел е целосно да се зачуваат сите локации, соопштија министерствата на Долна Саксонија, Саксонија, Хесен и Берлин.
„Тоа значи дека поединечните локации нема да бидат една против друга. Економските одделенија на сојузните покраини ќе дејствуваат солидарно и со меѓусебна координација“, се вели во соопштението.
Исто така, го отфрлија намалувањето на бројот на вработени и изјавија дека новиот, долгорочен договор за сигурност на работните места треба да обезбеди заштита на работните места и задржување на стручноста.
Тензиите кај производителот на автомобили се зголемуваат бидејќи околностите за затворање на фабриките го доведоа во судир со моќниот синдикат IG Metall.
IG Metall исто така треба да преговара за нови договори за 130.000 работници во клучниот бренд VW во Германија, откако минатиот месец групацијата ги прекина договорите со кои беше заштитено вработувањето во шест нејзини фабрики во западна Германија од средината на 1990-тите.
Извор: Bizlife.rs
