Еве кои намирници никако не треба да се чуваат во алуминиумска фолија и кои алтернативи се најдобри.
Кисела храна
Киселата храна и јадењата што содржат состојки како што се домат, цитруси, оцет или вино не треба да се чуваат во алуминиумска фолија. На пример, не би требало во фолија да чувате остатоци од бифтек со сос од црвено вино. Киселината од храната може да предизвика корозија и слабеење на филмот, што доведува до протекување и ѝ дава на храната благ метален вкус, особено при подолг контакт. Оваа реакција се случува затоа што киселата храна ја забрзува оксидацијата кога ќе дојде во контакт со алуминиумот.
Солена храна
Истите предупредувања што важат за киселата храна важат и за солената храна, особено за сувомесните производи и зрелите сирења, кои се силно зачинети и конзервирани. Кога жешка, солена храна се чува во алуминиумска фолија, мали количини алуминиум можат да пробијат во храната, што го расипува нејзиниот вкус. Иако преносот обично е минимален и се смета за безбеден, повторената или продолжена изложеност може со текот на времето да стане причина за загриженост.
Маринирано месо
Како и кај киселата и солената храна, особено проблематично е маринираното месо. Маринадите често содржат и киселина и сол, што може да ги забрза реакциите со алуминиумската фолија за време на складирањето. Без разлика дали е готвено или сурово, маринираното месо најдобро е да се чува во херметички затворен стаклен сад за да се зачува неговиот квалитет и безбедност, пишува порталот Martha Stewart.
Готвен скроб и мешунки
Влажните намирници богати со протеини, како што се готвен ориз, компир и мешунки, никогаш не треба да се чуваат во алуминиумска фолија. Фолијата може да ја задржи топлината и влагата, што поттикнува размножување на бактерии.
Алуминиумската фолија не е херметички затворена, така што не ја штити храната од изложување на воздух или од вкрстена контаминација во фрижидерот. Што е уште поважно, кога жешката храна цврсто ќе се завитка во фолија и ќе се остави полека да се лади, може да остане во температурната „опасна зона“ (од 4 до 60 °C) доволно долго за штетните бактерии брзо да се размножат.
Извор: odrzime.rs
