Растот на цените е поттикнат од зголемената побарувачка за сигурни засолништа за вложување и очекувањата дека американската централна банка ќе продолжи со намалување на каматните стапки во текот на наредната година. Среброто достигна нов историски рекорд од 72,70 долари за унца, додека платината се искачи до максимум од 2.377 долари.
За разлика од останатите метали, паладиумот опадна и се спушти на 1.830 долари за унца, откако претходно го достигна највисокото ниво во последните три години.
Златото од почетокот на годината поскапе за повеќе од 70 отсто, што претставува негов најголем годишен раст од 1979 година наваму, бидејќи инвеститорите бараат сигурност поради геополитичките тензии и очекуваат понатамошно олабавување на монетарната политика на американските Федерални резерви.
Среброто оваа година поскапе за повеќе од 150 отсто, благодарение на силната инвестициска побарувачка, неговото вклучување на американската листа на критични минерали и растот на индустриската употреба, пренесува Ројтерс.
Платината и паладиумот, кои главно се користат во автомобилските катализатори за намалување на емисиите на штетни гасови, од почетокот на годината пораснаа за околу 160 отсто, односно за повеќе од 100 отсто, поради ограничената понуда од рудниците, неизвесноста околу царините и пренасочувањето на инвестициската побарувачка од златото.
Извор: odrzime.rs
