Правилата не се однесуваат само за работењето на компаниите, туку и на активностите на нивните филијали и деловни партнери, соопшти Советот.
Директивата ќе важи за компаниите со повеќе од илјада вработени и со обрт поголем од 450 милиони евра од бројните сектори.
Компаниите опфатени со директивата ќе мора да воведат систем за следење, спречување или корекција на штетите врз човековите права или животната средина, најави Советот.
Директивата бара од компаниите да ги исполнат своите обврски во активностите во делот за човекови права и животна средина и доколку се случат прекршувања, да се преземаат соодветни мерки за спречување, ублажување, запирање или минимизирање на штетните последици од нивните активности или од активностите на нивните филијали и деловни партнери.
Две години за усогласување
Се наведува дека компаниите може да бидат одговорни за настанатата штета и ќе треба да обезбедат целосна отштета.
Компаниите на кои се однесува директивата, исто така, ќе треба да усвојат и да ги применат плановите за климатска транзиција во согласност со Парискиот договор за климатски промени.
Усвоениот законски акт сега треба да биде потпишан од претседателите на Европскиот парламент и на Советот. Директивата потоа ќе биде објавена во Службениот весник на ЕУ и ќе стапи во сила на 20-тиот ден од датумот на објавување.
Членовите ќе имаат рок од две години да ги почитуваат прописите.