Оваа интересна анегдота ја споделила за време на промоцијата на долгоочекуваното продолжение на филмот, речиси две децении по оригиналот. Таа нагласила дека токму овој проект целосно го променил нејзиниот поглед кон кариерата и кон сопствената вредност во филмската индустрија.
Понуда која за малку ќе ја одбиела
Гостувајќи во емисијата „TODAY with Jenna & Sheinelle“, заедно со колегите Ен Хатавеј, Емили Блант и Стенли Тучи, Стрип откри како течел процесот на преговори за филмот од 2006 година.
„Бев подготвена за пензија. Ме повикаа и ми дадоа понуда, а јас реков: ‘Не, нема да го правам тоа’“, раскажа таа низ смеа.
На прашањето зошто првично ја одбила улогата, објасни дека имала многу смислена тактика:
„Знаев дека филмот ќе биде хит. Сакав да видам дали можам да го удвојам својот хонорар.“
Она што не го очекувала, студиото без двоумење се согласило.
Лекција за сопствената вредност
„Веднаш рекоа: ‘Секако.’ Тогаш сфатив ми требаа толку многу години за да разберам дека можам да го побарам тоа. Имав чувство дека навистина им сум потребна“, рече Стрип.
Оваа ситуација денес често се наведува како пример во индустријата – не само поради нејзината храброст, туку и поради фактот дека отвора важна тема за преговарањето и вреднувањето на трудот, особено за жените во Холивуд.
Интересно е и тоа што самата улога на Миранда Пристли е инспирирана од легендарната уредничка на магазинот Vogue, Ана Винтур, иако авторите на филмот тоа секогаш го претставуваа како „фикција“.
Улога која променила сè
Мерил Стрип имала 57 години кога првпат ја играше Миранда – ладната, пребирлива, но хипнотизирачки харизматична уредничка на модно списание. Токму таа улога ѝ донесе нова генерација на публика и уште една номинација за Оскар.
Позната по своите трансформации, Стрип за оваа улога одлучила да биде „потивка од вообичаено“, верувајќи дека токму смирениот тон ќе го направи ликот пострашен што се покажа како полн погодок. Денес, 20 години подоцна, таа повторно му се враќа на тој лик во продолжението, заедно со старата екипа.
Кариера со нов залет
По филмот „Ѓаволот носи Прада“, нејзината кариера добива нов залет – следуваа хитови како Mamma Mia!, Џули и Џулија и Челичната леди, за кој го освои својот трет Оскар, толкувајќи ја Маргарет Тачер.
Меѓу поновите проекти се издвојуваат нејзиниот глас во анимираниот филм „Hoppers“, појавувањето во „Project Hail Mary“, како и серијата Only Murders in the Building, во која уште еднаш покажа колку лесно преминува од драма во комедија.
Нејзината приказна за „за малку одбиената улога“ денес звучи како потсетник, понекогаш најголемите пресвртници во кариерата се токму оние кои во прв момент изгледаат како погрешен избор.
Извор: bizlife.rs
