Од Париз до Познањ, од Малезија до Мароко, кафулињата широм светот почнаа да го додаваат овој пијалак во своите менија. Денес ги има повеќе од 480 во дури 41 земја. А сè започна прилично скромно.
Сопственикот на кафулето, Коди Ларсон, мислел дека рецептот можеби ќе го преземат десетина локали. Во најдобар случај. Сепак, бил сигурен во едно – десерт-кафињата се во подем. По експериментирањето со вкусови како колач од морков и ролнички со кардамом, инспирацијата стигнала од европската класика – данско печиво со малина.
Резултатот? Ледено кафе со сируп од малина, дупло еспресо, млеко и кремаста пена од крем-сирење. Цена – 8 долари. Реакција – инстант хит.
Зошто светот ја „купи“ оваа приказна
Во момент кога брендовите ги чуваат рецептите како државна тајна (да, Coca-Cola и KFC, ве гледаме вас), овој потег делува речиси како ерес. Но, токму тука лежи поентата. „Ексклузивноста како маркетинг е мртва“, вели Ларсон.
Во свет во кој постојано гледаме работи кои не можеме да ги имаме, идејата дека нешто е достапно за сите станува вирална. Луѓето не сакаат само да гледаат содржина, туку да бидат дел од неа. Little Joy го разбра тоа и го претвори онлајн трендот во офлајн движење.
Интернет + кафе = совршена формула
Кафулето веќе има околу 139.000 следбеници на Инстаграм, а нивниот формат „DIY or Buy“ дополнително ја турна приказната. Во тие видеа, менаџерката Серена Вокер без филтер проценува дали пијалакот се исплати да се прави дома или да се купи.
Пресудата за raspberry Danish latte?
Може да се направи за околу 2,5 долари, но со премногу садови за миење и ризик да ја извалкате омилената бела маица. Со други зборови: можеби сепак е подобро да поминете во кафуле. Како би ги поддржале другите кафулиња, Little Joy направи интерактивна мапа со сите места каде што се служи овој напиток. Мапата е прегледана повеќе од 3 милиони пати. Дури и во Перт, еден од најоддалечените градови од Минесота, три кафулиња веќе го нудат ова кафе и бележат одлични реакции.
Додека побарувачката и понатаму расте, тимот на кафулето се обидува само едно – да држи чекор.
Извор: bizlife.rs
