Твит постиран со мисла

Кратко време откако беше споделено дека за прв пат е вграден мозочен чип во човек, Neuralink направи уште еден исчекор.

neuralink

Извор: Freepik AI

Компанијата во сопственост на Илон Маск пред некое време сподели видео на кое се прикажува првиот човек кој го прими чипот како игра шах на интернет. Нолан Арбо, кој беше парализиран од рамената надолу, веќе може да го користи чипот за интерфејс со компјутер и да прави работи за кои претходно не беше способен, вклучително и играње видеоигри.

А, сега започнуваме да сведочиме на сѐ она што може да го прави.

Арбо објави кон крајот на минатата недела порака на X само преку мисла, а објавата предизвика одговор од самиот Маск.

x-musk-1136-ps1

Извор: X

Ова сугерира дека Арбо навистина ја објавил пораката на Х користејќи го само неговиот мозок.

Ова е уште еден голем ПР хит за Neuralink. Да можете да го отворите X и да објавувате на него само со мислите можеби не е врвно достигнување, но сепак е многу импресивно да се слушне дека е возможно.

Сосема очекувано, Маск има големи планови за Neuralink. Изминатиов период тој зборуваше за истражување на можноста „да се префрлаат сигналите од моторниот кортекс на мозокот до оштетениот дел од ‘рбетот за да им се овозможи на луѓето повторно да одат и да ги користат своите раце нормално“.

Повторно користење на парализирани екстремитети е една од евентуалните цели на Маск и иако звучи како научно-фантастичен концепт, се чини дека е сѐ поблиску до реалноста.

Извор: UniladTech

Дигитален маркетер со правничка позадина. Со огромна љубов кон пишувањето и all things eco-friendly. #TheVoiceOfGenZ

Избор на уредникот

Prijavi se na novosti.