Нашите уреди – телефони, компјутери и други дигитални платформи, телевизори, како и поновите генерации на уреди за домаќинството – содржат чувствителни информации кои можат да бидат злоупотребени ако не се заштитени на соодветен начин. Со порастот на сајбер напади, злонамерен софтвер и сé поголемата употреба на вештачката интелигенција, безбедноста на нашите лични податоци кои ги внесуваме во уредите е поважна од кога било. Samsung ја препозна потребата за силен безбедносен систем кој ќе ги чува податоците на сигурно и ќе спречи неовластен пристап или кражба на личните информации и ја создаде повеќеслојната безбедносна платформа,Samsung Knox, која ви е особено потребна ако користите модел на телефон или друг уред кој е неколку години стар. Сеопфатниот безбедносен пристап на Samsung Knox помага во заштитата на податоците на корисниците од злонамерен софтвер, неовластен пристап и други ранливости, осигурувајќи побезбедно искуство за корисниците.
Извор: Samsung
Безбедносно решение дизајнирано да ги задоволи најстрогите барања за сигурност
Безбедносната платформа Samsung Knox веќе со години е основен дел од Samsung уредите, вклучувајќи ја и најновата серија Galaxy S25 и нејзините најнови модели на телефони Galaxy S25, Galaxy S25+ и Galaxy S25 Ultra. Како водечки безбедносен систем во денешното модерно време, Knox обезбедува комплетна заштита од хардверот до софтверот, осигурувајќи неприкосновена безбедност на податоците и уредите и одлично решение дизајнирано да ги задоволи најстрогите барања на модерниот бизнис.
Платформата Knox започнува со техничките основи, каде што безбедносните карактеристики се интегрираат во секој паметен уред уште за време на производниот процес. Ова вклучува Knox Vault, платформа која ги осигурува чувствителните податоци, како што се биометриските податоци. На софтверско ниво, Knox обезбедува заштита на апликациите и податоците преку шифрирање и напредни безбедносни алгоритми.
Една од клучните карактеристики на најновата серија Galaxy S25 е функцијата Knox Matrix, која користи приватен blockchain за заштита на сите поврзани уреди во екосистемот, од паметни телефони до телевизори и фрижидери. Безбедносниот надзор е поедноставен благодарение на интуитивната Knox Matrix Dashboard карактеристика, која им овозможува на корисниците лесно следење на статусот на безбедноста на целиот екосистем. Новиот Post-Quantum Enhanced Data Protection (EDP) ги штити податоците во облакот од заканите од квантно компјутерство, додека Galaxy AI ја осигурува приватноста на податоците преку обработка во самите уреди, намалувајќи ја потребата за складирање податоци на далечни сервери.
Извор: Samsung
Samsung Knox за сигурна мобилна инфраструктура
Knox не е само безбедносна платформа, туку и клучен алат за оние кои бараат сигурна мобилна инфраструктура. На пример, корисниците можат да користат Identity Check за автентификација во несигурни околини, како и можности за далечинско заклучување на уредите во случај на кражба. Исто така, седум години безбедносни ажурирања обезбедуваат долгорочно доверба во уредите.
Samsung Knox не е само решение за безбедност; тоа е стратешки партнер за корисниците кои сакаат да ги искористат технолошките иновации без компромис на безбедноста. Со постојани подобрувања, како што е интеграцијата на пост-квантна криптографија (PQC) во новата серија Galaxy S25 и проширување на безбедносните карактеристики на вештачката интелигенција, Knox поставува стандард за безбедност во мобилната средина. За сите кои сакаат да ги заштитат своите податоци и уреди, Samsung Knox останува доверлив избор.
