Најголемиот број посетители во Андора доаѓаат на еднодневни излети од Барселона и други делови на Каталонија, па властите сакаат да ги поттикнат да останат подолго и подобро да ја запознаат оваа необична држава сместена во срцето на Пиринеите.
Повеќе од 90 отсто од земјата е покриено со природа
Андора е една од најмалите држави во светот и се простира на само 468 квадратни километри. Сепак, она по што се издвојува е импресивната природа. Повеќе од 90 отсто од територијата ја сочувуваат планини, шуми и ливади, додека изградени се само четири отсто од земјата.
Населбите се главно сместени во долините, опкружени со планински врвови, од кои има дури 65 повисоки од 2.000 метри. Околу десет отсто од територијата се наоѓа под заштита на УНЕСКО, а земјата е позната и по големиот број музеи во однос на својата големина.
Андора е омилена меѓу планинарите, но и меѓу љубителите на зимските спортови. На располагање се околу 300 километри уредени скијачки патеки, што ја вбројува меѓу најпознатите ски-дестинации во овој дел од Европа, како што пренесува „Путни кофер“.
Извор: Unsplash/kpesque9
Необична држава помеѓу Франција и Шпанија
Главниот град Андора ла Веља се наоѓа на повеќе од 1.000 метри надморска височина, поради што ја носи титулата за највисок главен град во Европа.
Оваа мала држава е сместена помеѓу Франција и Шпанија и има единствен политички систем. Станува збор за парламентарно кнежевство чии формални совладетели се претседателот на Франција и бискупот на шпанскиот град Ургел, додека извршната власт ја води демократски избрана влада.
Поради историската поврзаност со двете соседни земји, мнозинството од жителите зборуваат дури три јазици каталонски, шпански и француски.
Долг живот, шопинг и квалитет на живот
Андора често се наоѓа меѓу земјите со најдолг животен век на населението. Како причини се наведуваат чистиот воздух, квалитетната исхрана и активниот начин на живот.
Туризмот претставува клучна стопанска гранка, но значајна улога имаат и банкарскиот сектор, трговијата и сточарството.
Љубителите на купувањето посебно ја сакаат Андора поради големиот број продавници и поволните цени. На територијата на оваа мала држава се наоѓаат повеќе од 1.000 продавници, кои се затворени само четири дена во текот на годината.
Во време кога многу европски дестинации се борат со пренатрупаност и долги редици, Андора се обидува да ги привлече посетителите токму со она што не ѝ недостига мирот, природата и просторот за уживање без гужва.
Извор: bizlife.rs
