Младите тимови ќе работат на конкретен AI предизвик со пристап до OpenAI алатки и ресурси, поддршка од ментори од IT индустријата и можност идејата да ја развијат во работен прототип. Процесот ќе вклучува менторска поддршка, жири, награди и финална презентација на AI Tech Summit „Filip Avramchev“, кој ќе се одржи на 22 и 23 септември во Националната опера и балет во Скопје.
Од идеја до работен прототип
За учество не е потребна однапред разработена или „совршена“ идеја. Фокусот е на учењето, експериментирањето, тимската работа и практичната примена на AI.
Хакатонот е отворен за средношколци и студенти, а бројот на учесници е ограничен на максимум 10 тима со до четири членови во тим.
Предизвикот ќе биде објавен на 18 септември, со што официјално ќе започне работата на тимовите. Од тој момент, учесниците ќе имаат пет дена да ја развијат својата идеја во работен прототип, а процесот ќе продолжи и за време на Самитот, сè до презентацијата на проектите.
Најдобрите идеи стигнуваат на Main Stage
На 22 септември тимовите ќе ги претстават своите проекти пред жири, кое ќе ги оценува идејата, применливоста, техничката изведба и потенцијалот на решението.
Најдобрите три тима ќе продолжат во финалето, кое ќе се одржи на 23 септември на Main Stage, главната сцена на Самитот во Скопје. Таму финалистите ќе имаат можност за да ги претстават своите решенија пред публика, жири, ментори, компании и претставници на IT и бизнис заедницата.
Main Stage ќе биде простор за меѓународни говорници, keynote предавања, панели и практични AI примери, а финалето на Hackathon-от ќе им даде место на истата сцена и на младите таленти кои допрва ја градат својата позиција во AI екосистемот.
За учесниците, ова ќе биде можност не само да работат со OpenAI алатки и ресурси, туку и да учат од искусни ментори, да развијат сопствен прототип и да се поврзат со компании, говорници и други млади луѓе од AI и tech заедницата.
Најдобрите тимови ќе добијат награди, можности за понатамошна соработка и препознавање пред регионалната AI и tech заедница.
AI Tech Summit „Filip Avramchev“ Skopje 2026 ќе се одржи на 22 и 23 септември во Националната опера и балет во Скопје.
Пријавувањето за AI Student Hackathon е достапно преку онлајн формата: https://tally.so/r/WOVbgR
За повеќе информации за програмата, говорниците и можностите за учество, следете ги официјалните канали на AI Tech Summit „Filip Avramchev“ и посетете ја www.techsummit.ai.
