микрофон

Порталите повторно сензационално ја пренесоа приказната во која се навестува можноста за прислушување на корисниците на паметни телефони од страна на компаниите Google и Facebook, при што приложија и докази. Појавувањето на реклами за производ или услуга за кои штотуку разговаравме е нешто што секој од нас го искусил, но на ниво на статистичка грешка е бројот на оние кои престанале да користат интернет и паметни телефони откако сфатиле дека ги „шпионираат“. Ова ни кажува дека свесно се согласуваме на ваков вид на манипулација и дека компаниите со своите рекламни политики ќе бидат сè поагресивни во намерата да продаваат.