Протекоа податоци за прислушување на телефони
Една неодамнешна статија на темата за прислушување на паметни телефони со најновите откритија сугерира дека стравовите од прислушување се оправдани. Новиот извештај укажува на можноста дека апликациите и уредите снимаат разговори и собираат податоци без јасна согласност од корисниците. Користејќи софистицирани алгоритми, овие апликации можат да ги анализираат разговорите и да собираат информации за маркетиншки цели, без корисниците да бидат свесни за тоа.
Автор на изворниот напис е порталот 404media, позициониран во TECH новинарството како кредибилен со истражувачки, понекогаш и сензационалистички пристап во анализата на темите и настаните. Во текстот се наведува дека компанијата Cox Media Group (CMG) рекламирала услуга која ги користи микрофоните на паметните уреди за да таргетира реклами врз основа на разговорите на корисниците.
Како изгледа прислушувањето на телефоните за продажни цели?
Моќта на микрофонот на вашиот паметен уред е огромна. Покрај неговата примарна употреба која се однесува на успешното воспоставување разговори, постои и секундарна, за која се шпекулира, а се однесува на намерите на одредени компании да ги евидентираат намерите на потрошувачите во реално време, слушајќи ги нивните разговори за да им понудат соодветни производи.
Не е невообичаено софистицираните AI алатки (оние кои не се бесплатни за користење) да поседуваат соодветни алгоритми кои се подготвени да „увезат“ податоци што се користат во таргетирано рекламирање и во подобрување на перформансите на производите.
Алатките кои овозможуваат прислушување преку микрофоните на паметните телефони обично се интегрирани во апликациите кои бараат дозвола за пристап до микрофонот. Некои од овие алатки користат вештачка интелигенција за да ги анализираат аудио податоците и да ги идентификуваат клучните зборови од разговорите.
Исклучете ги сите дозволи за микрофон!
За да се заштитите од прислушување преку микрофонот на вашиот мобилен телефон, можете да преземете неколку чекори, а задолжително е да проверите кои апликации имаат пристап до микрофонот и да го оневозможите пристапот за оние кои не ви се неопходни во секојдневните активности.
Глобално, проблемот со кој се соочуваме е не обрнувањето внимание на условите за користење при процесот на инсталација на апликациите. Иако редовното ажурирање на телефоните често носи нови безбедносни поправки, потребно е да се оневозможи постојан пристап на апликациите до микрофонот.
Откако ќе го исклучите постојаниот пристап, без разлика дали користите WhatsApp или Viber, пред воспоставување на повикот, апликациите ќе ве прашаат дали сакате привремено да го вклучите микрофонот за потребите на разговорот, по што ќе се исклучи.
Како да знам дека ме прислушуваат?
Списанието за безбедност Security see наведува некои од „сигналите“ кои укажуваат на можноста за прислушување на уредот. Брзото празнење на батеријата е наведено како едно од примарните, бидејќи софтверот за прислушување може да работи во позадина.
Понатаму се наведува зголемена потрошувачка на податоци, како и необични звуци за време на повиците, односно статички шумови.
Исто така, неочекуваното однесување на уредот, како што е ненадејното рестартирање или успореното работење, може да биде еден од сигналите дека ве прислушуваат.
Прегревањето на телефонот исто така може да биде знак бидејќи шпионските апликации ги користат ресурсите на телефонот, се наведува во текстот на порталот.
Фактичка состојба
Свесни сме дека некој ги користи нашите кажани или некажани мисли за да успее да продаде нешто, но сè уште не сме во состојба да се спротивставиме поради една причина – во голем број случаи таквата состојба ни одговара. Брзо време, брзи одлуки, брз шопинг. Тука ќе се задржам.
Ќе ви наведам еден евидентен пример.
Сопругата ми испрати линк со предлог за купување и го отворив за да ја разгледам понудата со намера алгоритамот да ја препознае нашата потреба за купување, со што ќе продолжи со рекламирање на идентични производи на нашите уреди во следните денови.
Секоја следна реклама која се појавуваше, освен предметот на купување, не успеа да го комбинира бараниот сооднос меѓу цената и квалитетот, што ме наведе да заклучам дека рекламите, но и самите алгоритми се направени за површно таргетирање на целната група, без да обрнуваат внимание на директните барања на корисниците.
Стануваше збор за купување на скап предмет.
Иако предметот го пребарувавме според специфични клучни зборови, упорно ни беа праќани реклами кои немаа директна врска со нашите потреби, туку со рангираноста на продавачите на Google, па затоа тие не ни одговараа, исто како и локациите на кои се наоѓаа продавниците.
Извор: Web-mind.rs
