Паметниот пилот на KAIST
Тим од најдобрите истражувачи и инженери на KAIST моментално го развиваат првиот хуманоиден робот кој може да управува со авион со или други типови на воздухоплови, без притоа да мора да се прилагодува на пилотската кабина наменета за луѓе.
„Пибот е хуманоиден робот кој може да лета авион исто како и пилот човек, манипулирајќи со сите засебни команди во пилотската кабина дизајнирана за луѓе“, изјави Дејвид Шим, вонреден професор по електроинженеринг на KAIST, за порталот Euronews Next.
Со други зборови, роботот е создаден да се вклопи во пилотската кабина и да манипулира со сите команди внатре во тој простор без никаква човечка помош. Според порталот Science Times, Пибот е висок 160 cm и тежок 65 kg. Се разбира, овој робот не личи на човечко суштество, но секако би можел да помине како исклучителен цртеж на некој стриповски цртеж.
Пибот е комбинација на најдоброто од вештачката интелигенција и роботиката. Како резултат на тоа, тој може да го обработи јазикот од прирачникот за летот и независно да го контролира процесот на летањето. Неговиот дизајн, вклучувајќи напредни роботски раце и прсти слични на оние на луѓето, му овозможуваат соодветно да управува со сите инструменти во пилотската кабина, дури и за време на турбуленции.
Со помош на предноста на вештачката интелигенција, овој хуманоиден пилот може да чита и разбира прирачници за летање, дури и да ги запомнува сетовите на Jeppesen воздухопловните навигациони карти, кои се користат за олеснување на безбедната навигација на чартер летовите, што го прави поспособен од човечките пилоти.
Не грижете се; овој робот нема да ги замени пилотите, барем не наскоро. Дизајниран е да обезбеди поддршка во екстремни ситуации, како што е ситуација кога животот на пилотот може да биде доведен во ризик. Сепак, вреди да се напомене дека дизајнот на роботот овозможува извршување и на други должности, како што се возење автомобил или управување со брод.
Инженерите сè уште го развиваат роботот, кој нема да биде целосно функционален до 2026. Исто така, веројатно нема да го замени ниту вашиот таксист, туку ќе се користи за поддршка на воените операции.
