Данска е рангирана како број 1 земја според задоволството на луѓето со својата работа, можностите за кариера и балансот помеѓу професионалниот и приватниот живот се земени предвид меѓу други аспекти.
Резултатите се засновани на одговорите од анкета во која учествувале повеќе од 12.500 луѓе кои живеат во странски земји и ги одразуваат нивните чувства во четири категории кои покриваат професионални теми, вклучувајќи ги нивните изгледи за кариера, плата и безбедност на работното место, работна култура и задоволство и балансот помеѓу работа и слободно време.
Данска е највисоко рангирана во две групи: работна култура и задоволство, како и работа и слободно време, пишува CNBC Make It.
Околу 84 проценти од иселениците во Данска се задоволни со балансот помеѓу работата и приватниот живот, во споредба со глобалниот просек од 60 проценти. Сличен процент се задоволни со своето работно време и во просек работат 39,2 часа неделно, во споредба со 42,5 часа за светскиот просек.
Еве ги 10-те најдобри земји каде што иселениците се најзадоволни со својот професионален живот во странство:
- Данска
- Саудиска Арабија
- Белгија
- Холандија
- Луксембург
- Обединети Арапски Емирати
- Австралија
- Мексико
- Индонезија
- Австрија
Илана Бул, соработничка на CNBC Make It и американска наставничка која се преселила во Данска, изјави дека преселбата од Тексас во Копенхаген донела многу позитивни промени во нејзиниот работен живот: пократки работни недели, поцврсти граници помеѓу работата и слободното време, пет недели платен одмор и подобра плата за покривање на трошоците за живот.
Надвор од работата, таа исто така ужива во добриот јавен превоз, јавното здравство и породилното отсуство кое го плаќаат нејзиниот работодавач и владата.
Многу од овие фактори придонесуваат за фактот дека Данска во континуитет е рангирана како една од најсреќните земји во светот, според годишниот извештај за среќа во светот.
Саудиска Арабија
На второ место е Саудиска Арабија, каде што мнозинството, 75 проценти, тврди дека преселбата таму ги подобрила нивните изгледи за кариера, во споредба со 56 проценти на глобално ниво. Мнозинството, 63 проценти, се селат во Саудиска Арабија поради работа, каде што, според нивните зборови, се задоволни од состојбата на локалната економија.
Само 35 проценти од иселениците ширум светот признаваат дека се преселиле во странска земја поради работа.
Најголемата мана на работата во Саудиска Арабија може да биде долгото работно време – иселениците кои работат таму пријавуваат дека работат 47,8 часа неделно.
Во ТОП 3 е и Белгија, каде што иселениците се многу задоволни од безбедноста на работното место, локалниот пазар на труд и сопствените можности за кариера.
Белгија
Иселениците во Белгија изјавиле дека уживаат во флексибилноста на работното место, особено меѓу оние 68 проценти кои тврдат дека можат да работат од далечина, како и дека имаат полно работно време пократко од просекот од 40,8 часа.
Панама е призната како најдобра земја за иселеници, според истражувањето на InterNations. Вкупниот ранг ги опфаќа пошироките животни и финансиски фактори, каде што странците изјавиле дека се задоволни од квалитетот на живот, лесната преселба, работа во странство, лични финансии и индексот „основи за странци“, кој покрива домување, администрација, јазик и дигитален живот.
