Здравјето на цревата е многу повеќе од само варење – поврзаноста меѓу цревата и мозокот е одамна потврдена во научните кругови. Трилиони микроби што живеат во дигестивниот тракт влијаат на расположението, имунитетот, хормоните, енергијата, сјајот на кожата. Арапската супер-храна е преполна со природни пребиотици, пробиотици, антиоксиданти, полифеноли и антиинфламаторни соединенија што одлично го поддржуваат цревниот микробиом.
Испробајте ги овие супернамирници и оние кои најмногу ви одговараат додајте ги во вашите залихи од чиа семе, комбуча, гожи бобинки, куркума и останатите состојки што веќе сте ги пробале и прифатиле.
Арапска супер-храна која го поддржува микробиомот на цревата
Молохија (лисови од јута)
Молохијата е извор на растителни влакна со полисахариди кои ги хранат добрите бактерии. Исто така содржи витамин К, фолат и магнезиум, кои играат улога во интегритетот на цревната слузница и намалување на воспалението. Комбинирајте ја со кафеав ориз и лажица маслиново масло и подгответе чорби што благотворно делуваат на вашиот микробиом.
Фрикех (зелена пченица)
Оваа древна житарица делува како пребиотик, хранејќи ги корисните бактерии познати по своите антиинфламаторни ефекти. Се бере млада и полна е со отпорен скроб и влакна што делуваат како пребиотици. Има и низок гликемиски индекс, што ја прави погодна при покачен шеќер во крвта, а истовремено ги храни добрите цревни бактерии. Заменете ги вообичаените житарици со фрикех во салати и супи.
Ферментирани леќа и житарки
Ова е древна комбинација на пребиотици и пробиотици. Од кибех до идли, Блискиот Исток и Јужна Азија одамна ги прифаќаат ферментираните мешунки и житарици. Потопувањето и ферментацијата ги намалуваат антинутритиентите (како фитатите) и ја подобруваат биодостапноста на хранливите материи како железото и цинкот во цревата. Уште поважно, тие ги исполнуваат цревата со живи ензими и пребиотски влакна. Вклучете ги во јадења како леќа со ориз и кромид, ферментиран јачмен леб или бавно варени чорби од леќа.
Арапска супер-храна – урми
Често погрешно разбрани како само слатка ужина, урмите се полни со растворливи влакна, калиум и полифеноли. Тие ги поддржуваат бифидобактериите во дебелото црево и помагаат во регулирање на работата на цревата. Држете се од една до две порции дневно, идеално во комбинација со јаткасти плодови, за ужина што дава стабилно ниво на енергија.
Тахини – паста од сусам
Богата со здрави масти и пребиотски влакна, тахини пастата помага во намалување на оксидативниот стрес и ја модулира оската црева–мозок–кожа. Студиите покажуваат дека сусаминот, природно соединение во сусамот, ги намалува воспалителните маркери, кои често се покачени кај цревната дисбиоза.
Nigella Seeds (црно семе)
Истражувањата ја поткрепуваат улогата на црното семе во намалување на воспалението, поддржување на функцијата на црниот дроб и модулирање на цревните бактерии. Додадете прстофат во чорби од леќа, во тесто за леб или посипете го врз јогурт.
Арапска супер-храна – Лабан
Богат извор на лактобацилус и бифидобактерии, лабанот е млечен производ што помага во обновување на добрите цревни бактерии, го подобрува варењето на лактозата, го поддржува имунолошкиот баланс и го намалува воспалението.
Арапска супер-храна – За’атар
Мешавина од мајчина душица, оригано, сусам и сумах, за’атар има антимикробни, антиинфламаторни и антиоксидативни својства. Овие билки можат да помогнат во намалување на надуеноста, да ја поддржат детоксикацијата на црниот дроб и да ја подобрат микробната разновидност. Измешајте за’атар со маслиново масло и користете го како умак, намаз или додаток за салата.
Арапска супер-храна што веќе ја користиме
Калинка
Овошје што веќе го сметаме за обично, а неговиот сладок и кисел вкус е ненадминливо освежувачки. Полно е со полифеноли кои делуваат како пребиотици, ја поддржуваат цревната слузница, го намалуваат воспалението во цревата и имаат анти-ејџинг својства.
Нане и магдонос
Овие едноставни билки што се користат и како зачин и како чај (чајот од магдонос има многу пријатен вкус) имаат карминативни својства, односно помагаат во ослободување на гасови. Го смируваат дигестивниот тракт, ја намалуваат надуеноста и обезбедуваат антиоксидативна поддршка. Можете да ги додадете во храна или да ги џвакате свежи по оброк.
Ф’стак
Овие на многумина омилени јаткасти плодови се богати со влакна и ја поттикнуваат продукцијата на бутират, кој ги зголемува корисните бактерии во цревата. Можете да ги додадете во салати, десерти или едноставно да ги грицкате како ужина.
Лисја од винова лоза
Посебен деликатес од Блискиот Исток се лисјата од винова лоза во кои се завиткува месо, ориз и зеленчук, а потоа се варат на пареа. Веројатно сте пробале триаголни сармички од винова лоза, без да знаете дека листот од винова лоза содржи кверцетин и антиоксиданти што ја штитат цревната бариера и го поддржуваат варењето.
Извор: easylife.rs
