Кога беше објавен бестселерот на Гери Чепмен, „Петте јазици на љубовта“ (The Five Love Languages), целиот свет стана посвесен за артикулирањето и управувањето со емоциите. Квалитетното време, чиновите на служење, зборовите на потврда, давањето подароци и физичкиот допир постепено станаа задолжителен дел од емоционалното воспитување и култура. Подоцна, на овие јазици беа додадени и емоционалната сигурност и заедничките искуства. Меѓутоа, нови јазици на љубовта и понатаму се откриваат, односно се препознаваат.

Во светот каде листите со обврски се бескрајни, а времето е скапоцено, одржувањето на пријателствата станува вистински предизвик. Работата, семејството, секојдневните ситници, сето тоа често ги голта нашите планови за средби со луѓето кои ги сакаме. Но, смисленото поврзување со луѓето е клучни за менталната рамнотежа бидејќи и покрај постојаното движење меѓу луѓе, можете да се чувствувате изолирано и осамено.