Но додека сите го гледаа него, многу други ѕвезди тивко негуваа опсесија со еден малку познат јапонски производител на маици за кој никој не зборува. Барем засега.
Приказната за легендарната маица
Сè започна во 1972 година, кога Ген Таруми, инспириран од своите патувања по западниот брег на САД, ја основал продавницата Hollywood Ranch Market (HRM) во Токио. Со текот на годините, HRM соработувал со различни партнери – од јапонските филијали на Hanes и Wrangler, до попристапната линија Wildside Yohji Yamamoto. Но буквално под сето тоа се крие нивниот најбаран производ: Hollywood Ranch Market Stretch Fraise.
Тајната на холивудската елита
Од 1995 година, Hollywood Ranch Market произведува нешто што сегашниот извршен директор, Сохко Таруми – синот на основачот – за Highsnobiety го опишува како „удобен, долготраен долен дел од облеката“. Поточно, станува збор за маици со кружен V-изрез, кои со години станаа неизбежен дел на црвените теписи, вечерните шоуа и папарацо фотографиите, пишува Highsnobiety. Иако овие еластични, ребрести маици ги носат беспрекорно облечени актери како Дру Старки, Џо Алвин, Глен Пауел и Килијан Марфи, тие се толку потценети што речиси е невозможно да се забележат од далечина – што, всушност, им дава уште поголема ексклузивност и привлечност. Единствениот препознатлив детал е малото везено лого на дното од левиот ракав.
Во што е тајната?
Одговорот е едноставен: совршено пристојување. Stretch Fraise се специјализира за основни парчиња со суптилна текстура кои се прилепуваат до телото, но не стегаат. Наместо да ја моделираат фигурата, овие маици едноставно се растегнуваат и се прилагодуваат.
Па зошто никој не зборува за нив? Затоа што Stretch Fraise сè уште го нема доживеано својот The Bear момент. Брендот не се рекламира, туку се потпира исклучиво на „од уста до уста“ препораки меѓу луѓето кои веќе ги носеле маиците, вели Таруми. „Нашата сила лежи во нашата посветеност на облека што е едноставна, основна и навистина удобна.“
Бројките зборуваат сами за себе
Изгледа дека таквиот пристап функционира одлично.
Во 2024 година, само во Јапонија се продадени речиси 70.000 Stretch Fraise маици, а Seilin & Co известува за пораст од речиси 125% во 2025 година во однос на претходната.
Сега постојат и планови за меѓународна експанзија, што би можело тивкото шепотење да го претвори во гласен шум.
Stretch Fraise маиците совршено се вклопуваат во актуелниот тренд на „премиум рецесија“ – едноставни, основни парчиња – бидејќи доаѓаат во низа универзални бои и кроеви, по цена меѓу 40 и 70 долари (околу 35 до 60 евра) за едно парче.
Нивната сè поголема популарност го одразува растечкиот избор на купувачите за „нормална“, секојдневна облека, наместо за блескави и нагласени модни парчиња.
Извор: bizlife.rs
